गुरूकुल तर्फ नेपालकै प्रथम भए देवघाटका श्रीधर

१९साउन तनहुँ।कक्षा १२ को परीक्षामा गुरूकुल तर्फबाट तनहुँकोे देबघाटस्थित परमानन्द संस्कृत गुरुकुलका श्रीधर पाण्डेय नेपालकै प्रथम भएका छन्।तनहुँको देवघाट गाउँपालिका वडा नम्बर-५ स्थित परमानन्द संस्कृत गुरुकुलका पाण्डेय संस्कृततर्फ ३.७६ जिपिए ल्याएर देशभरका गुरुकुलहरूबाट सर्वोत्कृष्ट भाएका हुन।परमानन्द संस्कृत गुरूकुल विगत चार वर्षदेखि लगातार संस्कृततर्फ नेपाल प्रथम हुदै आएको छ । २०८१ सालको कक्षा १२ को परीक्षामा उक्त गुरुकुलमा अध्ययनरत १७ जना छात्रहरू ए प्लस र ए ग्रेडमा उत्तीर्ण भएकोे गुरुकुलका प्राचार्य विमलानन्द सरस्वतीजीले बताए।उक्त गुरुकुलमा अध्ययनरत सम्पूर्ण छात्रहरूलाई गुरुकुलले पूर्ण रूपमा नि:शुल्क शिक्षा दिँदै आइरहेको छ |