पहिरोले घर पुरिँदा पाँचजना वेपत्ता: दुई घाइते

१३साउन, गोरखा। गोरखामा पहिरोले घर पुरिँदा पाँच जना वेपत्ता भएका छन् भने दुई जना घाइते भएका छन्।उत्तरी गोरखाको धार्चे गाउँपालिका–५ सिङ्लास्थित रेसेस्थित स्थानीय जीतवहादुर गुरुङ्गको होटल भएको घर पहिरोले बगाउँदा ५ जना बेपत्ता भएको धार्चे गाउँपालिका अध्यक्ष लक्ष्मण गुरुङ्गले बताए।वेपत्ता हुनेहरुमा जीतवहादुर गुरुङ,कान्छी गुरुङ्ग, सोलाल कान्छा गुरुङ्ग, ट्याक्टर चालक रमेश परियार र रमेश गुरुङ्ग रहेका छन्।ट्याक्टर चालक रमेश परियार समेत शनिबार त्यहाँ बास बस्न पुगेकाे र बिहान तीन बजे आएको पाहिरोमा बेपत्ता भएका हुन्। पहिरोमा परी दिलिप गुरुङ्ग र छामबहादुर गुरुङ्ग घाइते भएका छन्।दिलिपको अवस्था गम्भीर रहेको प्रहरिले जनाएको छ। घाइते दुवैको भने स्थानीय स्वास्थ्य केन्द्रमा उपचार भइरहेको छ । वेपत्ताहरुको खोजीका लागि स्थानीयबासी, जनप्रतिनिधि र नेपाल प्रहरी, नेपाली सेनाको टोली पनि उद्धारमा संलग्न रहेछ छ।